«О́z úıim» – óleń tósegim!

Ońtústik Qazaqstan oblysy men «Qazaqstannyń turǵyn úı qurylys jınaq banki» AQ arasynda yntymaqtastyq týraly memorandýmǵa qol qoıǵannan keıin taıaýdaǵy bolashaqta  shymkenttikterdiń jaıly baspanalarǵa ıe bolý múmkindigi týady. Bul mańyzdy qujatqa oblys ákimi Beıbit Atamqulov pen «Qazaqstannyń turǵyn úı qurylys jınaq banki» AQ Basqarma tóraǵasy Aıbatyr Jumaǵulov qol qoıdy. Yntymaqtastyq týraly memorandým «Nurly Jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasy aıasynda júzege asyrylmaq. Endi Ońtústik Qazaqstanda turǵyn úı máselesin sheshý boıynsha qarjy ınstıtýty men jergilikti atqarýshy organnyń jumysy belsendi bola túsedi. B.Atamqulov qol qoıý barysynda atap ótkenindeı, Ońtústik Qazaqstan oblysy elimizdegi eń kóp halyq turatyn óńirlerdiń biri bolyp sanalady. Sondyqtan da, munda turǵyn úı máselesi ótkir kúıinde tur. Oblysta tutas­taı alǵanda memlekettik turǵyn úı qorynan baspana alý kezegin­de 34 myń azamat tur, al Shym­kent qalasynda úı alýǵa 20 myń­nan astam turǵyn tirkelgen. Soǵan qaramastan oblys turǵyn úıdi iske qosý boıynsha aldyń­ǵy qatarda. Jaqynda Túrkistan qal­a­synda jańa shaǵyn aýdan boı kótermek. Saryaǵashta kóp qa­batty úıler salýǵa jer telimderi bólingen. Maqtaaral aýdanynda da úı salý máselesi sheshilýde. On­da negizinen halyq tyǵyz orna­las­qan. Sonymen birge, Lengir jáne Shar­dara qalalarynda da baspa­naǵa qajettilik artyp tur. Badam aýy­lynda eki ındýstrııalyq aımaq salynýda. О́nerkásip oryndaryn mamandarmen qamtamasyz etý úshin turǵyn úı máselesin de she­shý oılastyrylyp otyr. Arys qa­lasynda úı salýǵa jańa alań­dar bólinip, Kentaý men Túlki­bas­ta ınfraqurylym qurylýda. Mem­leket basshysy Shymkent qalasy­nyń halqyn bir mıllıon adamǵa jetkizý tapsyrmasyn qoıǵany belgili. Soǵan oraı sońǵy kezde Shym­qalada qurylys qarqyny óte joǵary. Turǵyn úı qurylys jınaq banki­men yntymaqtastyq qala jáne oblys basshylyǵy úshin tur­ǵyn úı qoryn arttyrý úrdisin je­deldetýge múmkindik beretin mańyzdy baǵyttardyń biri bolyp tabylady. Turǵyn úı qurylys jınaq banki Ońtústik Qazaqstan oblysynda birqatar turǵyn úı baǵdarlamalaryn júzege asyrady. Máselen, 460 páterlik 11 turǵyn úı qurylysyn salýdy uıǵarǵan. Bul baspana Ulttyq qaýipsizdik komıtetiniń OQO bo­ıynsha departamenti men prokýratýra qyzmetkerlerine qoljetimdi baǵamen usynylady. A.Jumaǵulov mundaı yntymaqtastyq óte tıimdi bolatyndyǵyn atap ótti. Osyndaı tetikti bank aldaǵy kezde elimizdiń barlyq óńirlerine taratýdy nıettenip otyr. «Qazaqstannyń turǵyn úı qurylys jınaq banki» AQ-tyń Ońtústik Qazaqstan oblysyndaǵy  fılıaly 2005 jyldan beri jumys istep keledi. Osy ýaqyt ishinde memlekettik baǵdarlama aıasynda jalpy alańy 256,6 myń sharshy metr bolatyn 3 227 páterlik 126 turǵyn úı paıdalanýǵa berildi. «О́zińiz biletindeı, ústimizdegi jyldyń basynda Memleket basshysy Nursultan Nazarbaev turǵyn úı qurylys jınaq júıesiniń tıimdiligin atap ótip, nesıelik baspana qurylysyna qosymsha 149 mıllıard teńge bólýdi tapsyrǵan bolatyn. Qarjy qazirdiń ózinde óńirlerge bólinýde. Biz óz salymshylarymyzdyń arasynda salynǵan úılerdi satyp, ár eki jyl saıyn qarjy aınalymyn qamtamasyz etemiz», – dep túsindirdi Turǵyn úı qurylys jınaq banki Basqarmasy tóraǵasy Aıbatyr Jumaǵulov. Ońtústik Qazaqstanda Ulttyq qordan jergilikti atqarýshy organdardyń jelileri boıynsha nesıelik baspana qurylysyna 4,4 mlrd. teńge bólindi. Bul qarjyǵa 558 páterlik 11 úı turǵyzylady. Turǵyn úıdiń jalpy alańy 31,5 myń sharshy metrdi quraıdy. Bank salymshylaryna 1 sharshy metr úshin 140 000 teńge baǵamen satylady. О́z kezeginde «Báıterek development» AQ jelisimen 432 páterlik 6 úı turǵyzylady, olardyń jalpy kólemi 25 myń sharshy metr­den astam bolady. Bul turǵyn úıdi áleýetti qonystanýshylar 1 sharshy metr úshin 180 myń teńge baǵamen satyp alady. – 2016-2017 jyldary bizdiń aldymyzda Qazaqstan boıynsha 691 myń sharshy metr baspana salý mindeti tur, – dedi memorandýmǵa qol qoıǵannan keıingi ótken baspasóz máslıhatynda «Báıterek development» AQ Basqarma tóraǵasynyń orynbasary Ádilbek Ysqaq. – Jyl sońyna deıin biz 207 myń sharshy metr baspanany paıdalanýǵa berýdi jos­par­lap qoıdyq. Onyń ishinde 110 myń sharshy metri Turǵyn úı qury­lys jınaq bankiniń salymshy­laryna arnalǵan. Al 97 myń sharshy metri jalǵa beriledi. Ol jergilikti atqarýshy organdardyń tizimderine saı kezekte turǵan­darǵa bólinedi. Turǵyn úı qurylys jınaq banki jańa salymshylardy tartý úshin bıyl Túrkistanda jáne Saryaǵashta óziniń ókildikterin ashýdy uıǵaryp otyr. Sonyń arqasynda atalǵan aýdandardyń turǵyndary oblys ortalyǵyna barmaı-aq ózderiniń turǵylyqty jerlerinde tikeleı qujattaryn rásimdeı alady. Mundaı fı­lıal Jetisaıda ashylyp, óziniń tıimdiligin kórsetti. 2016 jylǵy 1 shildedegi jaǵdaı boıynsha Ońtústik Qazaqstan oblysynda Turǵyn úı qurylys jınaq bankiniń 37 777 salymshysy tirkelgen. Olardyń jınaqtarynyń jalpy kólemi 19,2 mlrd. teńgeni quraıdy. Banktiń óńirdegi nesıelik qorjyny 12,5 mlrd. teńgege jetti. Turǵyn úı qurylys jınaq bankiniń kómegimen baspana máselesin sheshýge tilek bildirýshilerdiń sany Shymkentte óse túsýde. Salymshylardy tartýdy belsendirý qalanyń jańa ákimshilik-turǵyn úı aýdany – «Shymkent sıtı» jobasyn júzege asyrýǵa qarjy ınstıtýtyn qatystyrý yqpal etedi. Aýdan zamanaýı ınfraqurylymymen, turýǵa qolaıly jaǵdaımen jáne bıznes júrgizýge baılanys­ty erek­shelenbek. Sondaı-aq, qala salý men sáýlet óneriniń eń joǵa­ry standartyna sáıkes keledi. Joba 2020 jylǵa deıin Shym­kent qa­lasyn damytýdyń tujyrym­da­masy sheńberinde iske asyrylady. «Qazaqstannyń turǵyn úı qurylys jınaq banki» AQ Bas­qarma tóraǵasy A.Jumaǵulov «О́z úıim» baǵdarlamasy aıasynda munda salynǵan turǵyn úıdi satýdy josparlap otyrǵanyn habarlady. Sóıtip, Shymkentte qala ákimdigi jáne Turǵyn úı qurylys jınaq banki yntymaqtastyq týraly tıisti memorandýmǵa qol qoıǵannan keıin jobanyń bas­talýyna jol ashyldy. «О́z úıim» baǵdarlamasy bank salym­shylarynyń páterlerdi alýyna tolyq jaǵdaı jasalýy­men tar­tymdy bolatyndyǵy qýantady. Sonymen birge, olar valıýta ba­ǵamyna qaramastan tómen baǵamen turǵyn úı satyp alý múmkindigine ıe bolady. Baǵdarlamaǵa banktiń kez kelgen klıenti qatysa alady. Biraq, birinshi kezekte baspanany ıeliginde jyljymaıtyn múlki joq salymshylar satyp alýǵa quqyly. Marat AQQUL, «Egemen Qazaqstan»